ХӨВСГӨЛ АЙМАГ ДАХЬ ТӨРИЙН АУДИТЫН ГАЗАР “САНХҮҮГИЙН ТАЙЛАНГИЙН АУДИТ”-ЫН НЭЭЛТ ХИЙЖ, ИТГЭМЖЛЭЛ ГАРДУУЛЛАА


Санхүүгийн тайлангийн аудитын нээлтийг аймгийн Засаг даргын тамгын газрын “Сүлд” танхимд 2020 оны 01 дүгээр 06-ны өдөр зохион байгууллаа. Санхүүгийн тайлангийн аудитын нээлтэд аймгийн иргэдийн Төлөөлөгчдийн Хурал, аймгийн Засаг даргын тамгын газар, Санхүү төрийн сангийн хэлтэс, Мэргэжлийн хяналтын газар, Онцгой байдлын газар, Орон нутгийн өмчийн газар, Татварын хэлтэс, Боловсрол соёл урлагийн газар, Стандарт, хэмжил зүйн хэлтэс, Зооноз өвчин судлалын төв, Өрхийн эрүүл мэндийн төвүүд, аймгийн төвийн ЕБС, СӨБ-ын байгууллагын төлөөлөл зэрэг төсвийн шууд захирагч болон төвлөрүүлэн захирагчийн хүрээний байгууллагуудын дарга, нягтлан бодогч нар оролцлоо.

 Хөвсгөл аймаг дахь төрийн аудитын газрын дарга бөгөөд тэргүүлэх аудитор О.Ганболд санхүүгийн нээлтийг хийж, 2020 онд Хөвсгөл аймаг дахь төрийн аудитын газрын гүйцэтгэх Санхүүгийн тайлангийн аудитын талаарх товч мэдээллийг танилцууллаа.

Нээлтэд ирсэн төсвийн шууд захирагч болон төвлөрүүлэн захирагчийн хүрээний байгууллагуудын дарга, нягтлан бодогч нарт Хөвсгөл аймаг дахь төрийн аудитын газрын Санхүүгийн албаны ахлах аудитор Б.Тэгшдэлгэр Монгол улсын Ерөнхий аудиторын 2019 оны А/87 дугаар тушаал, Ерөнхий аудиторын орлогчийн 2019 оны 02/2055 тоот албан бичгээр ирүүлсэн Төрийн аудитын байгууллагаас 2019-2020 оны санхүүгийн тайланд баримтлах бодлого чиглэл, зөвлөмжийг танилцууллаа. Мөн өмнөх аудитаар өгсөн зөвлөмж, акт, албан шаардлагыг бүрэн хэрэгжүүлж, алдаа зөрчлийг дахин давтахгүй байх талаарх санамж, санхүүгийн тайланг гаргаж ирүүлэх хугацааг танилцуулав.

2020 онд гүйцэтгэх санхүүгийн тайлангийн аудитаар 315 байгууллагад санхүүгийн тайлангийн аудитыг гүйцэтгэхээс Монгол улсын Ерөнхий аудиторын 2019 оны А/60 дугаартай тушаалаар 86 байгууллагад итгэл үзүүлж байгууллагын удирдлага болон нягтлан бодогч нарт ИТГЭМЖЛЭЛ-ийг Хөвсгөл аймаг дахь Төрийн аудитын газрын дарга бөгөөд тэргүүлэх аудитор О.Ганболд гардуулж баяр хүргэж ажлын амжилтыг хүсэн ерөөлөө.

 

                                                                       Аймгийн иргэдийн Төлөөлөгчдийн Хурал

 

                                                                                        Аймгийн Онцгой байдлын газар 

                                                                         Их-Уул сумын Засаг даргын Тамгын газар